Sa wala pa ang ikaduhang gubat sa kalibutan, ang Upper Bala, usa pa ka dakong lasang, u gang unang mga katawhan nga nanimuyo niini mao ang tribong Bagobo nga nagagikan sa bukid sa Sta. Cruz. Ang pagpanghanting ug ihalas nga mananap sa lasang u gang pagbalhin-balhin nga pamaagi sa pagpanguma maoy ilang tinubdan sa pagkaon. Ang maong lugar nailhan pag-ayo sa tawag nga Ba-la usa ka pinulunagn sa Bagobo nga ang buot ipasabot usa ka kahoy nga anahaw nga sukwahe ang bulok niini nga dunay pagkasilaw nga dalag (goldest color) kung itandi sa uban nga Anahaw. Kini nga kahoy sa unang panahon ang nahimong balaan sa mga katigulangan sa tribong Bagobo.             

Human sa ikaduhang gubat sa kalibutan tuig 1957  midag-sang ang mga Bisaya ug nanimuyo sa maong lugar. Ang uban kanila mitukod sa ilang balay sa ubos nga bahin u gang uban sa ibabaw nga bahin sa Bala. Sa pila ka tuig ang milabay, ang uban sa mga Bisaya nangaminyo ngadto sa tribong Bagobo. Niining panahona ang Upper Bala usa pa ka sitio sa Barrio Bala, nga nahisakop sa lungsod sa Miral (Bansalan sa kasamtangan panahon. Si Antonio Garcia maoy kasamtangan teniente del Barrio nga gitudlo sa pamunoan sa lungsod sa Miral.

Sa tuig 1959 naghimo ug petition ang katawhan sa Sitio Upper Bala, paghimu nga usa ka Barrio. Kini nga petition ilang gipasa ngadto sa konseho sa probinsya (Provincial Capitol nga tua nahimutang pa sa Digos Citya ang maong petesyon wala mahatagi ug pagtagad tungod sa kalibog ni Teniente del Barrio Antonio Garcia kong asa niya pangayoon ang endorsement para suportahan ang petisyon sa katawhan sa Sitio Upper Bala tungod sa duha ka lungsod Mira lug Magsaysay nga puros nag-angkon sa Barrio Bala nga aliha kini nahisakop.             

Human sa election sa Nobyembre 1967 sa lungsod sa Magsaysay,unang election human namugna sa pagka lungsod ang Magsaysay si Mayor Arceli Milladuerte Malag nagtudlo kang Delfin Gillado isip puli ni Antonio Garcia nga teniente del Barrio. Si Gillado kauban si Felomino Quimada ug ang mga nangulo sa petisyon ang naningkamot sa pagpangayo ngadto kang Mayor Malag ug sa mga opesyales sa lungsod sa Magsaysay nga iduso sa SP ang kamugnaan sa Upper Bala nga mahimong usa ka hingpit nga Barrio.

Sa katapusan quarter sa tuig 168 giduso sa konseho sa Municipyo (Municipal council) pinaagi sa usa ka Resolution no.58 serries 68 ang endorsement ngadto sa konseho sa probinsya ang pagmugna sa Upper Bala nga mahimong Barrio. Sa tuig 1969 (permerong quarter) si Mayor Malag nagtudlo  kay Felomino Quimada isip Teniente del Barrio ug sa mga sakop niini Barrio council) nga sila si Juan Morano, Geraldo dela Cruz, Salvino Tapic, Mateo Quiamada, Sumali Attic ug si Alberto Canasa.           

Sa bulan sa hulyo 23, 1970 giuyunan sa konsaho sa probinsya ang Resolution no. 133 s.70 nga giduso ni Binvanida Guanza Saceda ang pormal nga mamahimong Barrio ang Upper Bala nga adunay lima ka mga Sitios,Sinungsungan,lanaiog,Belen,Badiangon ug Labidangan,niini ang pangagamhanan sa lungsod sa Magsaysay, nagpadala ug grupo sa mga surveyors aron ang gilapdon sa luna, mga  boundaries sa sikbit nga Barrio ug ang mga Sitios niini.

Oktubre 18, 1970 gipatawag ang special election atoll sa Bagyong Titang si Ireneo Encallado maoy unang napili nga kapitan del Barrio ug mga sakop sa konseho nga sila si Juan Morano, Maximo Gripo, Sumali Attic, Crecensiano Taran ug Salvino Tapic. Ug ang ilang tinudlo nga secretary mao si Gilda Virador ug Treasurer nga si Cornelio Vicente. Nagpadayon sila  sa pagpangalagad sa katawhan hangtod sa wala pa ang election sa tuig 1989, gawas ni Ireneo Encallado nga  mipahawa isip kapitan  del Barrio sa tuig 1980. tungod sa kahimtang sa kahusay ug kalinaw. Si Juan Morano maoy gitudlo nga puli isip Kapitan del Barrio o Barangay Captain. Niining panahona dako ang pagduda sa mga ilaga ug Black shirts nga sila ang supporters sa NPA.

Sa tuig 1989. laing election ang nahitabo ang nahimong Kapitan kadtong kandidato nga dako ug buto. Si Narciso Aradillos maoy gihatagan ug taas nga buto hinongdan siya usab ang nahimong Barangay Captain. Ang iyang mga kagawad sila si Crispin Ambayan, Felipe Lico, lucio Antipuesto, Tiwan Gubal, Juan Morano Fernando Tapic ug Levi Attic. Ug ang gitudlo nga Secretary mao si Regelio Sending Sr.samtang si Binvanido Alberio maoy gitudlong Treasurer sulod sa pila ka bulan ang milabay sa tuig 1990. Si kapitan Aradillos mipahawa ug si Kag,. Ambayan nga maoy ikaduhang kandidato nga daku ug buto sa milabay nga election ng mipuli kaniya isip Kapitan.

Laing election na usab ang nahitabo sa tuig 1992 si Cripin Ambayan ang nagpabilin nga Kapitan. Ang iyang kagawad sila si Felipe Lico, Fernando Tapic, Levi Attic, Eliseo Catigan, Juanario Natad Jr. Rogelio Sending Sr, ug si Bienvenido Alberio. Ug si Analiza Ambayan maoy nahimong SK. Chairwoman samtang ang tinudlo nga Secretary si Tessie Caminade u gang Treasurer si Lilia Lico. Sa election sa tuig 1997 walay napilde sa daan nga opesyales gawas ni kagawad Alberio nga wala na magpapili tungod sa pag-asikso sa iyang negosyo. Ug ang napuli kaniya mao si Feliciano Ambayan. Ug niining  higayuna nagkambyo ug posisyon sila ni Tessie Caminade ug Lilia Lico. Si Tessie Caminade maoy gihimong treasurer samtang si Lilia Lico maoy Secretary.

Sa Municipal election sa tuig 1998 si Captain Ambayan mipahawa tungod kay nagpapili siya sa pagka konsehal sa lungsod. Si Felipe Lico maoy nag unang kagawad mipuli kaniya isip Kapitan ug nangalagad sa katawhan hangtod sa tuig 2002. si Leonardo Lumansok maoy gitudlong kagawad isip puli ni kagawad Lico.

Sa election sa Hulyo 2002 midagan pagka Kapitan si kanhi Kagawad Alberio ug nagmadaugon kini sa piniliay isip Kapitan. Ang iyang mga kagawad mao sila si Oscar Canasa, Efren Resuelo, Analiza Rafaila, Rogelio Sending Sr. Elezar Laoc, Rolando Gica, ug Felipa Flores. Ug si Anaflor Ambayan ang nahimong SK. Chairwoman, Si Generosa Basquiñez maoy gitudlo nga Secretary ug si Leonila Ambayan maoy gitudlo usab nga Treasurer. Mipahawa si Efren Resuelo isip Kagawad tungod sa iyang appointment sa DEP-ED ug gihulip kaniya si Alfredo Neri isip kagawad. Mipahawa usab si Basquiñez isip secretary, gihulip kaniya si Suzette Catigan nga nangalagad lamang sulod sa 7 ka bulan gitudlo si Josephine Tanduyan nga maoy kasamtangang Barangay Secretary.


BARANGAY OFFICIALS


Punong Barangay:
Elisar M. Laoc

Contact Number:
0975 893 1399

Kagawad:

  1. Bienvenido R. Alberio
  2. Bernardo O. Colata
  3. Jobert B. Ambayan
  4. Emilio B. Cansancio
  5. Johnear B. Ambayan
  6. Rolando C. Gica
  7. Felipa Q. Flores

SK President: Wenceslao Q. Riblora Jr.
Secretary: Josephine M. Tanduyan
Treasurer: Leonila T. Ambayan