Ang Barangay “Blocon” namugna sa wala pa ang ikaduhang gira sa kalibutan, ug nahisakop pa kini sa lungsod sa Sta. Cruz, ang unang lumad sa maong barangay mao ang mga “Blaan”. Namugna ang maong pangalan tungod sa usa ka buak, bulok nga colon, nga nakit-an diha sa punuan sa kahoy nga na buak. Ug dinhi gikuha ang pangalan sa Barangay Bolocon, ang unang mga tawo mao ang mga “Blaan”.

Ang unang Tenyente sa Baryo mao si Col Malunggayon ug misunod si Supli dayon si Datu Caligay. Ang unang Krisianos mao si Sacarias Bernal, ug gisundan sa mga Ilocanos, Ilonggo, Cebuanos ug diha giusab ang pangalan nga Bolocon sa Blocon nga maoy gigamit hangtud karon.

  • 1946 human na ang gira si Mr. Arnaldo Casimero mao ang unang maestro sa Brgy. Blocon, ug mihawa siya pagka maestro.
  • Sa 1958 nahimo siyang Tenyente del Baryo. 1959 si Gregorio Artiaga ang nahimong Tenyente del Baryo, ningsunod si Gregorio Barcena, gisundan na usab ni Graciano Lucero sa 1961.
  • 1962 nahimong Capitana si Leonor Antonio nga nakapatukod sa Baryo Hall, nga hangtod karon anaa pa.
  • 1964 ang Brgy. Blocon nahisakop na sa Lungsod sa Magsaysay nga adunay singko (5) kilometro ang gilay-on gikan sa Poblacion Magsaysay hangtud sa Barangay Blocon.
  • 1968 hangtud sa 1984 si Brgy. Captain Leon Mateo ang nagdumala sulod sa 22 anyos siyang nahimong kapitan, ug kini wala mailisi tungod kay “Martial Law” na man. Ug sa hinay-hinay nahimoan ug Barangay road.
  • 1984 si Pio Casimero ang Capitan sulod sa 3-4 ka tuig, padayon ang mga Infra. Proj. Sa 1988 nag-appoint ug Barangay Captain, ug kini mao si Leon Mateo. Sa tuig sa 1990 adunay election sa mga Brgy. Captains, nga ang makakuha sa pinakataas nga botos maoy mahimong Brgy. Captain, U gang palaran nga nakadaug mao si Leo Antonio, nga hangtud siya gihapon ang nag dumala sa maong barangay. Padayon gihapon ang mga Projects, labi na gyud ang “Peace & Order” sa Barangay, walay gubot u gang mga Miyembro adunay panaghiusa. Ug niadtong September 21, 1999, namugna ang “1st Anniversary” sa Brgy. Blocon, nga diin aduna’y gihimo nga contest sa pagwapohay ug mga “float” nga giapilan sa 7 ka mga purok, adunay parade, adunay Band presentation sa Blocon Elem. School Band, ug daghan pa ang kalingawan sa pagsaulog sa 1st anniversary sa Blocon,. Ug sa pagka karon, adunay duha ka Drier nga gihimo dinhi, nga diin kini mao ang pinaka latest nga project nga nahimo dinhi sa Brgy. Blocon. Ang usa ka drier nahimutang sa Sitio Kalamagoy, u gang usa ana Mahimutang sa Brgy. Hall.

Ang Blocon karon padayon sa pagpaningkamot ug naghiusa sa paglambo sa maong barangay, labi na gayud ang Kapitan nga si Leo Antonio uban ang iyang mga Bag-ong nga (konsehales) ningdaog nga mga konsehales, naghiusa sila aron magpadayon ang kahapsay ug kalinaw sa maong lugar, karong umaabot nga September 21, 2002 ang Brgy. Blocon magasaulog sa 3rd Anniversary, ug magapadayon gihapon ang maong mga kalingawan atol niining adlawa nga maoy gipangandaman na sa tanan.


BARANGAY OFFICIALS


Punong Barangay:
Jesus I. Antonio

Contact Number:
0948 811 2214

Kagawad:

  1. Mercedita R. Ibasco
  2. Alexander E. Acuña
  3. Rollie S. Ballen
  4. Robinson G. Solon
  5. Julius B. Sahagun
  6. Marcelino G. Lumantao
  7. Bernardo B. Ignacio

SK President: Kimberly Jane A. Julo
Secretary: Leslie C. Ontoy
Treasurer: Marlyn H. Sahagun