Usa sa ginapasigarbong bahandi sa Lungsod sa Magsaysay mao ang mga lapad nga mga kahumayan. Dili ikalimod nga nahimong “Rice Granary” sa Davao del Sur ang naasoy nga lungsod. Tungod niini, gitutukan sa local nga panggamhanan sa lungsod ang pagsustentar sa sector sa agrikultura nga maoy tinubdan sa panginabuhian sa halos tanang Kialegnon.

Dili lamang ang mga farm-to-market roads ang namugna sa panggamhanan nga makapadali sa pagbiyahe sa mga produkto, nakadawat usab ang mga mag-uuma ug mga ayuda gikan sa Department of Agriculture- Municipal Agriculture Office (DA-MAO), sama nalang sa 10,040 ka bags sa abono ug 76 bags sa hybrid rice and corn seeds. Ang mga maong ayuda sa MAO nakabenepisyo sa ubay-ubay nga mga mag-uumang kabos ug dili igo ang kakayahan nga maka-reproduce. Nakamugna usab ang local nga panggamhanan ug mga seedlings and communal nursery support nga mukabat sa Php 650,000. Kini nahimutang sa Barangay San Isidro sa naasoy nga lungsod, ug duna usab communal nursery alang sa tanom ngaTheobroma cacao o mas nailaisip cacao, nga nahimutang sa barangay Tagaytay.

Kini nga proyekto gimugna sa Department of Agriculture alang sapag-produce ug mga cacao seedlings nga itanom sa mga upland areas niining lungsod. Duna usab gimuntar ang atoang panggamhanan nga mga organic trading post, na nahimutang sa merkado publiko sa lungsod, kung diin Makita dinhi ug mapalit ang mga organikong produkto sa lungsod sama nalang sa ginapasigarbong Magsaysay Rice kon MagRice. Kining gambalay gipondohan ug Php 1.313 M ug gidungagan ug pondo gikan sa panudlanan sa lungsod nga mukabat sa Php 103,000. Kini ginadumala sa karon ubos sapag-giya ni Mrs. Helen Carampatana.

Wala usab gibalewala sa panggamhananang mga binuhing hayop nga kaabag sa mga mag uuma sa ilang pag uma. Busa nagahimo ang mga hanas nga mga beterinaryo sa lungsod ug mga deworming programs ug pag-injection ug mga bitamina nga makatabang alang sa paghimsug sa mga kahayupan. Naghatag pud ang DA-MAO ug mga tilapia fingerlings nga mukabat sa 150,000 pcs. Nga gipang-apud-apud sa mga tag-iya ug mga fish ponds.

Sigun sa mga Kialegnong mag-uuma, dakong tabang ang mga proyekto sa agrikultura sa Team B.I.D.A. Ka! Kay tungod kini nakapakusog pa sa sector sa agrikultura kung diin kasagaran sa mga lumulupyong mag-uuma kini na ang naandan nga panginabuhian. Nanghinaut sila nga mulambo pa ang Lungsod sa Magsaysay samatang sa agrikultura tungod aning proyektoha, ubos sapagdumala ni Mayor Engr. Arthur D. Davin.